نخستین برف پاییزی ورزقان را سفید پوش کرد

  نفوذ هوای سرد و فعالیت سامانه بارشی که طی روزهای اخیر شهرستان را تحت تاثیر قرار داده بود، از دیروز...

موسیقی عاشیقی میراث کشور ماست

  دنبال خبری کهنه بودم که خبر دیگری هم به چشم آمد. اشاره به این دارد که موسیقی عاشیقی توسط کشور آذ...

در خیابان های اهر دیگر صدای روزنامه نمی آید

چند روز است که خیابان های اهر ارشد هر روزه خود را نمی بیند و صدایش را نمی شنود. ارشد یوسف نژاد روزنا...

فعالیت بیش از ۴۰ مبلغ برای ماه رمضان در ورزقان

حجت الاسلام سید حجت سیدی صبح امروز سه شنبه هم زمان با سالرزو صدور فرمان تاریخی حضرت امام خمینی(ره) م...

رضا علیزاده نماینده معین مردم اهر و هریس در مجلس دهم انتخاب می‌شود

  رضا علیزاده در گفت‌وگو با خبرنگار تسنیم در تبریز، با اشاره به ترکیب هیئت‌رئیسه دائم مجلس دهم، اظه...

  • نخستین برف پاییزی ورزقان را سفید پوش کرد

    جمعه ، 7 آبان 1395 ، 06:33
  • شرکت ملی مس در جهت عکس تحقق اقتصاد مقاومتی گام بر می‌دارد

    سه شنبه ، 26 مرداد 1395 ، 12:32
  • موسیقی عاشیقی میراث کشور ماست

    شنبه ، 19 تیر 1395 ، 06:35
  • در خیابان های اهر دیگر صدای روزنامه نمی آید

    سه شنبه ، 1 تیر 1395 ، 05:00
  • فعالیت بیش از ۴۰ مبلغ برای ماه رمضان در ورزقان

    سه شنبه ، 1 تیر 1395 ، 04:54
  • رضا علیزاده نماینده معین مردم اهر و هریس در مجلس دهم انتخاب می‌شود

    دوشنبه ، 17 خرداد 1395 ، 05:09
  • مرگ موتورسوار در برخورد با ال 90 در سه‌راهی گزانبند در جاده ورزقان –خاروانا

    دوشنبه ، 17 خرداد 1395 ، 05:04

 

بللی دی قیش گلیب ائللر دونوب دیر

قیزیل گوللر سارالیبدیر سولوپ دیر

ناشی باغمان قالانلرین یولوپ دیر

منه نه فرقی وار یاییم قیشدی قیش

دونمه سین اورکلر بو بینا کیمین

گورموشم شاختالار عالمده مین مین

کاش دونئیدی اورکلرده کدر کین

باخان دئییر بخته ورلر دیشدی دیش

 

کاش آتام توتئیدی الیمدن بوجور

دییئیدیم بت یاپوش ایاقیم زووور

هردن ده گورئیدیم اوزومدن اوپور

ساغ اولسون دوستلاریم قالان نوش دی نوش

دوزو ده بودور کی منی بو منظره لر و سوزلر،کووره تدی و کئچن گونلری یادومه سالیب بیر عالم خییالیمی قاتوشدوردی بیزیمده کندیمزده بئله کی قیشلری چوخ گورموشدوق آمما تاسسوفلر اولسون کی داها طبیعت ده دییشیب دیر نه او قارلار وار نه او شاختالار،هر حالدا چایلارین دونماسی،دام دوواردان بوزلرین قندیل قندیل ساللانماسی بو منظرلره بنزییه ردی ،قار یاغاندا بیز اوشاق اولارکن قار گولله سی اویناردیق و داما چیخیب کوره کلرله قار توکردیق چای چئشمییه قاچیب بوز اوچاردیق قاطار قاطار اوشاقلار بیر بیرینه باغلانیب بوزون اوستونده زوو گئدردیق هئچ نه دن خبر یوخییدی بقول مرحوم شهریار : الله نه بیز غمسیز غمسیز یاشوردوق

ایندی دونه رگه لر دونوبلر و کارلی کیشیلرده اولوبلر نه او قاردان شاختادان خبر وار و نه او شنلیقلردن و مئهربانلیقلردن،کاش بیرده اوشوییب اوجاقین قیراقینه سیخیلئیدیم،کاش بیرده آنامین ایسی اللرین سویوق وورموش اللریمده حیسس ائلییئیدیم او منی باغرونا باسئیدی و من یئنه ده آناما ایسته کلی بیر بالا اولئیدیم

حئییفلر اولسون او گنجلر قوجالدی و اوندان دا حئییف کی گویا بیزیم مئشه لرده ده قدیمکی اصلان لر بوغونتییه دوشوبلر ائله ایش بئله دی قار یاغماسا شاختا اولماسا،شئرینده ایشی زای اولار توتاخ کی مئشه نین به یی ساییلیر اصلان بیلسین کی تولکی ده مئشه نی دومانلیق ایستیر  نه قارلی شاختالی، اوندان ده آچیق بو کی" دره خلوت اولسا تولکی بی اولار" نه دئییم کی شاید تالع بویوموش و قالانی اویون

چوخ یئر بیزیم یئر کیمی قیشده تونلیک اولمازدی دوره کندلرده ن توکولوب اورا گلردیلر،گونوز کوچه لرده یغینجاقلار اولاردی و گئجه لرده  ده قونشولار بیر یئره یغیشیب شنلیق ائده ردیلر،او مجلیسلر ائله بوشونا سووشمزدی هره نین نه بیلگی سی اولسئیدی اوردا خیرده لردی،یغینجاقلار شب چره سیز اولمازدی خونچه لرده : گیردکان ایچی،فیندیق،جور به جور اوزوملر،کیشمیش ،مووز،رنگارنگ نارلر،میانپور و بیر نئچه قیش زوماری آرایه گلردی بیرده او گونلر تکرار اولا بیلمز چون کی نه او زامانلار وار و نه او اینسانلار نئجه کی نه او قیشلر وار و نه او شاختالار

نه ایللاه ائلیرم هله ده بئچه لرین بانلاماسی،اینکلرین مله مه سی،جونگه لرین توققوش مه سی،چوبانلارین هنیرتی سی و آیری قولاق اینجیتمیین سسلرین موزون آهنگلری قولاقیمدن چیخمیللر من اولارینن یاشیییرم و هله ده او خاطیره لری او فیکیریمده داشییرم

 

  دکتر علی اکبر زاده